ياسلام على حبي (دويتو) – فريد الاطرش

(شاديه) :

ياسلام على حبي وحبك وعد ومكتوب لي أحبك

ولا نامش الليل من حبك يا سلام على حبي وحبك

(فريد) :

يا سلام على حبي وحبك ده ماكان على بالي أحبك

ولا نامش الليل من حبك ياسلام على حبي وحبك

(شاديه) :

يا حبيبي هواك جنني والشوق ملاني جراح

وحياتك تبعد عني وتسيبني عشان ارتاح

(فريد) : 

وأنا يعني ماسك فيكي ؟ 

ماهو قلبي المشغول بيكي

(شاديه) :

حبك سهرني

(فريد) :

أزيك برضه

(شاديه) :

ربي يصبرني

(فريد) :

ايوه أنا في عرضه

(شاديه) :

اعذرني لاني بحبك مابنامش الليل من حبك

ياسلام على حبي وحبك وعد ومكتوب لي احبك

(فريد) :

مش ممكن اعيش من بعدك ده خيالك جنبي ليلاتي

وبقول لو ربنا ياخدك كنت اعمل ايه ياحياتي

(شاديه) :

انشالله انت يا حبيبي ياهنايا وكل نصيبي

حاولّع في روحي ياقلبي وعني

(فريد) :

لا اوعى ياروحي ده واجب علي

(شاديه) :

من ساعة قلبي ما حبك

ما بنامش الليل من حبك

 يا سلام على حبي وحبك

حبيتني صحيح ؟

(فريد) :

 اومال

(شاديه) :

أتاريني بقيت فرحانة

(فريد) :

عقبال كل العزال يتهنوا زي هنانا

(شاديه) :

شوف وشّي اصفرّ ازاي من حبك

(فريد) :

شوفي جفني احمرّ ازاي من حبك

(شاديه) :

حتعيش ياروحي معايا دانت حياتي ودنيتي

كفاية حب كفاية أحسن يضر بصحتي

يا سلام على حبي وحبك