ولّعت كتير

زياد الرحباني



ولّعت كتير، خلّصت الكبريتة.
لا أنت الزير، ولا اني نفرتيتي.
من فضلك تبقى لما بتيجي المي، خلي المي... توصل ع التتخيتة.

قايل لي بيت، مش قايل تخشيبة.
كيف هيدا حيط، ونصّو مهدا بسيبة.
على كلٍّ هلق لما بتيجي المي، سكّر هي، ولا يعني مصيبة.
عم بحكي ردّ علي.
وبس تحكي اتطّلع في.
وإذا فكرك قوي، يا فهلوي، منّك بهالقويّة.
ولا يوماً رح بتصير.

جرّبت الفيش، شرقط بين إيدي.
أنا بدي عيش، عيشة طبيعية.
هي جارك عندو مولّد قل لو بليز، مدّ بريز، اخدمني اتوصّى في.

فاتح سلطان علي. وفاشل مية بالمية.
وإذا فكرك حلو، لاء مش حلو، أنا عندي الأولوية.

مستلجئ قصداً في. فكرك قوة شخصية.
وإذا فكرك حلو، لاء مش حلو، أنا عندي الأولوية.
ولا شكلك فاهم كيف.

وين هوي السيف؟ بشو بحفّ الكسرولا؟
ما في شي نضيف، ولا ناوي الحمد الله.
قل لي كيف ممكن أنو تسكن بنت، عندك أنت،
قل لي شو بتعمل لها؟
وين هو السيف؟ بشو بحفّ الكسرولا؟
ما في لوسيور، ولا جايب مازولا.
قل لي كيف ممكن أنو تسكن بنت، عندك أنت،
قل لي شو بتعمل لها.
روح يا

قايل لي أنها فيلا.
وهي ولا نكزة فيلا.
ليك ملا فيللا، لا حول الله، أنت تعا شوفها كلها.
قايل لي أنها فيللا.
وهي ولا لحظة فيلا.
ليك ملا فيلا، لا حول الله، أنت تعا شوفا كلا.
إشي عش فراخ كبير.
صرلو شهرين، ع المجلى البقلاوة.
بتدبّل عين، أنو أنت حلاوة.
والأنكى وقح وجلغ وألك عين، بالعينتين، تقل لي البيت مساوى.

ولي نبشت الريف، على نسرة حشيشة.
البقاع نضيف، بس مش قدو العيشة.
ومن صيدا سحبة وحدة، للبترون، في كاميون، عبا صدري فيشي