تضيق وامد النظر للسما فوق
واهيم بين أفلاكها يمكن ألقاك
لا انته عرفت اللي بلاني من الشوق
ولا السما تاسعها وش قد انا أهواك

سألت من سواك يا أعز مخلوق
نص اللي في صدري من العشق يبلاك
وان كان حبك عوق انا راضي العوق
دامي عجزت ألقالي محبوب يسواك

ولهان وإن داريت يفضحني الموق
واحشني كلك إنت وعيوبك أفداك

لين إمتليت امن الوله قلب وعروق
والأرض ما شالت أحاسيس مضناك

إن كان بعدك حلم صحيني وافوق
وإن كان به غيري أحد كيف نساك
حب أبد ما حبه عاشق لمعشوق
و رمز اللي لين اليوم قلبه إيتحراك

تدري كثر ماني من البعد مخنوق
عندي أمل ترجع لي وأرجع لدنياك
ما حد كثري لك في هالعام ايلوق
ولا تدور ما حد كثري يهواك