وكت النوم – حسام الرسام
من اغمض عيني وقت النوم صدك ماشفت غيرك
وادعي الليل كون يطول حلم واتمنى تفسيرك
نوصل بالحلم للبوس بس هاي الشمس تطلع
هي وياك متفقة تكولي كافي لا تطلع
وافز والكاك مو وياي بس حاظن تصاويرك
حبيبي ونور عيني انت الك ماصير انا لغيرك
جروحي هواي صارن نشوف يتامى كمت اربيهن
يريدنك حبيبي اليوم بس انت التداويهن
اجاني الليل اشو هم ماجيت كمت بالحلم هم تقطع
شجرة ويابسة بفركاك شتظن ياثمر يطلع
على صبورة الهجران يضل يكتب طباشيرك
انا العطشان لعيونك ليش تضم علية بيرك
تعال ارجعلي مو مليت كافي تمرلي باحلامي
احظنك واشم انفاسك واريدك دوم كدامي
عيوني ماتشوف اثنين تذكرك والجفن يدمع
بعد ما ضل عذر للروح اقنع بيها ما تقنع
يمرني وطيرك مسجون وفك سجني تعب طيرك
طيرك من اشوفك جاي الله يكثر بخيرك
لا يوجد تعليقات حالياً