وطني .. يا جبل الغيم الأزرق
وطني .. يا قمرالندي والزنبق
يا بيوت الْ بيحبّونا
يا تراب اللّي سَبَقونا
يا زغيَّر ووِسع الدّني .. يا وطني
وطني .. يا ذهَب الزّمان الضّايع
وطني .. مِن بَرق القصايد طالع
أنا على بابَك قصيدة
كتَبِتها الرّيح العنيدة
أنا حجرة أنا سَوسنِة .. يا وطني
جيراني بالقنطرة تذكَّروني
وبَلابِل القَمرة يندَهوني
شجر أراضيك

سواعِد أهلي شجَّروا
وحجار حفافيك
وجوه جدودي الْ عمَّروا
وعاشوا فيك
من ميّة سنِة
من ألف سنِة
من أوّل الدّني
وطني .. وحياتَك وِحياة المَحبِّة
شو بِني؟ .. عم إكبَر وتكبَر بِقلبي
وإيّام اللّي جايي جايي
فيها الشّمس مخبّايِة
إنتْ القوي، إنتْ الغني .. وإنتْ الدّني
يا وطني