ليت نسيان الهوى شي بيدي
ليت قلبي اللي تناسيته نساك
مير قلبي قد تحالف معك ضدي
رحت عني وما رحل عني هواك

أذكرك وأنا مع الأفكار وحدي
واسمعك لما يحاكيني سواك
ما نسيتك ودي بالنسيان ودي
نعمة النسيان ما فادت معاك


يا كثر شوقي وحنيني لك ووجدي
ليه نسيت فروحتك تاخذ غلاك
منت عندي بس كل شي منك عندي
صوتك وعطرك معي وبسمة شفاك

أشعل الذكرى تدفيني في بردي
ويطري في بالي دفا ضمة لقاك
أدري كل شي إنتهى وما عاد يمدي
لكن القلب في رجا عل و عساك