واخيرا – لطيفة

وأخيرا .. فقت ورقت لما أتبينت مين الغلطان

وأخيرا .. جيت وسألت وخير ما عملت أنك ندمان

غلطان ندمان .. يتساوا .. مادمت رجعت بشوق ولهان

كده أحسن ما تبوس راسي .. خلاص أنا قلبي ماهوش زعلان

رجعت الفرحة لنفسي .. وعادت لشفايفي البسمات

وهديت ونسيت ورضيت .. عن كل ما عدى ومر وفات

وساعات الدمع الأسف .. يرضي ويغني عن الكلمات

والحق لما يبان وحده .. مابيحتجش كمان لبيان

غلطان ندمان يتساوا .. مادمت رجعت بشوق ولهان

كده أحسن ما تبوس راسي .. خلاص أنا قلبي ماهوش زعلان

مبروك الود علينا دي .. عودته إلينا تساوي كتير

ده كأن الدنيا اتصالحت .. شرق وغرب وغني وفقير

واللي يحب ما يكرهش .. ولا يقدرش على التغير

يكفاني أنك حقاني .. وراجع تاني زي زمان

غلطان ندمان يتساوا .. مادمت رجعت بشوق ولهان

كده أحسن ما تبوس راسي .. خلاص أنا قلبي ماهوش زعلان