هبات النسيم – عبدالكريم عبدالقادر

وش جابني

جابتني هبات النسيم والذكرى والحي القديم
وحلم الصغار طفلين بعيون النهار
نركض تحت في الجدار

من كان يقول هالحلم يمضي للزوال
وهالحب يصبح يتيم وش جابني
جيت ادور عن بقايا وعن اثر وليل وعيون وسهر

وسكة بللها المطر
الله الله لي نسنس الغربي حزات الغروب
واطراف الجدايل يداعبها الهبوب

آه لو تحكي الدروب من كان يقول…

في هالمكان ابتدأ الحب اللي كان
في هالمكان كفي حضن كفك زمان

تذكر ولا نساك الزمان…
ياما وسط عيني غفيت وغطيتك برمش العيون
خايف اصحيك وتفز وخليتك بقلبي الحنون

لكني ابدا مادريت ان الزمن له الف لون
من كان يقول هالحلم يمضي للزوال
وهالحب يصبح يتيم… وش جابني