نويت انا ارحل – مزعل فرحان

نويت أنا أرحل عن الدنيا وأخليها

قررت بنسى عذابي وأنسى عدواني

مليت أنا عيشتي وش عاد أبي فيها

دام الحبيبة تبيع الود وتجفاني

من فتحت عيني على الدنيا مخاويها

هي سلوتي هي دنيتي وشلون تنساني

أحبها يا بشر والله وأداريها

وأرش في دربها ورد وريحاني

تزعل عليه أنا وأرجع أراضيها

أضحك على روحي قولة العمر فاني

يوم المشاعر بليل الحب تدعيها

من لهفة صادقة في وسط وجداني

نسيت أنا الناس ودمعاتي على أيديها

ما كنت أفكر تحب بعمرها ثاني

وأخت المها يا ناس أنا لازم أخليها

يا عل دنياها عليها كلها أحزاني