م الباب للشباك – فايزه احمد

م الباب للشباك رايحة وجاية وراك

لكن مش شايفاك من باب ولا شباك

من بدري وانا واقفة مستنية اشوفك

وبابص عا العطفه يمكن المح طيفك

وتعبت من الوقفة وانت تغيب على كيفك

ياشاغلني وياك من الباب للشباك

لكن مش شايفاك من باب ولا شباك

من الباب للشباك رايحه وجايه وراك

مين غيري شاغلاك مين غيري اللي ف قلبك

طول عمري رايداك طول عمري باحلم بك

لكن مش طايلاك ولا طايلة اعيش جنبك

يامحيرني معاك م الباب ولا شباك

الخالة اشكي لها من اللي عملته ف قلبي

والعمة ابكي لها من حيرتي ونار حبي

امى اخاف احكي لها تحمل همّي وغلبي

يامحيرنى وراك من الباب للشباك

لكن مش شايفاك من باب ولا شباك