مو مشتاقلك مشتاقلك موت
واكبر من صبر روحي اشتياقي
يمكن من غيابك قلبي خلصان
وحبك ماخلص بالروح باقي
تصور لو زعلت بيوم وياك
اگلك روح عني وبيه القاك
مدري الحب تغير هاي الايام
مدري يختلف حب العراقي
بيني وبين روحي سولفت بيك
لمت روحها وطابت جروحي
ومن اسمك ثواني نسيتة فد يوم
نزلت بين اديه دموع روحي

طول اليوم احسك عايش وياي
واغمض عيني اشوفك بالحلم جاي
مدري الحب تغير هاي الايام
مدري يختلف حب العراقي
مرة اقبال عيني انت مريت
مرة وزيدت شوگي وحنيني
وراك تظن خيالك يمشي ملهوف
جرب والتفت تلقاها عيني
أني مو احبك بيك مجنون
حبك حتى أكثر من هوى الكون
مدري الحب تغير هاي الايام
مدري يختلف حب العراقي