على وجودك في حياتي و كياني
ممنون للدنيا على هالمحبة
وش باتمنى واطلب أكثر أماني
وإنتي إختصرتي كل شي أحبه

مثل النظر مثل النفس في المحاني
والعافية والراحة لا جيت أشبه
جيتيني نعمة و فيها ربي حباني
وصرتي لي دنياي وجميع الأحبة

أنا الكريم اللي في حبك أناني
وإنتي الغرام اللي خذ القلب ولبه

ما كنك إلاٰ حاجة في زماني
وما أنجبت منها الحياة إلا حبة

إنتي الهوى اللي مايجي بعده ثاني
وإنتي الجمال اللي يا سبحان ربه
وإنتي اللطافة بإسم وشكل ومعاني
وأنا السعادة اللي معك مستتبة

مو قطعة مني..إنتي صرتي كياني
ومن زود ما لك في خفوقي محبة
مدري إنتي شخص به جميع الأماني
أو أمنيات الدنيا في شخص أحبه