مليح القد والقامة .. يحسب اخطاه باقدامه

عسى الله يسعد ايامه .. زريف الطول غض العود

طلع يمشي على هونه .. على سطح البلكونه

سهوم الموت بعيونه .. ولاناشد ولا منشود

ذبحني زين الأوصافي .. وانا من قبل متعافي

متى توفي وتستافي .. لحقني بالهوى منقود

ابوخدين ورديه .. ورمش العين له فيه

وجيده جيد ريميه .. وريحه مثل دهن العود

الا يازين كلمني .. خذ علومي وعلمني

متى يازين ترحمني .. وصل لي يومي الموعود

حبيب الروح خف ربك .. قتلني بالهوى حبك

وطب الجرح من طبك .. وشوفك غاية المقصود

حبيبي كم بكت عيني .. ونار الحب تكويني

انا ودي تداويني .. بوصلك والسلف مردود

احب آقف على بابك .. تركتك الكل بسبابك

لو اللي صابني صابك .. شكيت النقص قبل نزود

انا وياه بالديره .. ونفسي ماتبي غيره

تحت حكمه وتدبيره .. وحبل اهل الهوى ممدود

نظرته في قميص النوم .. صباح الخير ذاك اليوم

هوالظالم وانا المظلوم .. ذبحني بالعيون السود