معلش – حمزة نمرة

أنا كان ناقصنى كتير علام
مع دنيا طلعت مش تمام
تدوسنى قال معلش قوم
شكراً اوى ملهوش لزوم

معلش يا معلش الدنيا لاويه دراعي
ومصدرالي الوش قرشة وقافشه من غير داعي
حلّيني يا معلش وشوفي حد بدالي
لا ترنّي ف وداني ولا تجيلي في طرف لساني

معلش هعمل بيها ايه
لا تشيل وجع ولا بتداويه
مبقتش بتحوق خلاص
ولا ناس بتسمع م الأساس
والكل متعلم عليه

الدنيا بتخاف م الغشيم
تعمل له ميت مليون حساب
أما الغلابة الطيبين
يمين يمين وامين امين
ربك يعوض ع اللي ساب

معلش يا معلش الدنيا لاويه دراعي

ومصدرالي الوش قرشة وقافشه من غير داعي
حلّيني يا معلش وشوفي حد بدالي
لا ترنّي ف وداني ولا تجيلي في طرف لساني

لما تجلّي م العيال
الفقري واللي بخته مال
معلش دي هتجيب له كام
آخره هايصبر والسلام
ويجيبها في العرضة الشمال

واقفة كده متكتفه
بتعيطي ومتشحتفه
ولا مرة رجعتي الي فات
ويادوب بنحزن من سكات
وأشرب تقول لي بالشفا

معلش يا معلش دنيتنا لاويه دراعي
ومصدرالي الوش قرشة وقافشه من غير داعي
حلّيني يا معلش وشوفي حد بدالي
لا ترنّي ف وداني ولا تجيلي في طرف لساني