مشكلني حبك ياروح الروح مشكلني
واتعبني قلبك مع الحسَّاد اتعبني
ياما نصحتك وقلتلك كانك اتحبني
ابعد عن الشر ياعمري وغني لٌه

إذا نصحتك ياليت تسمعني وتراعي
لاتشتكيني هلي لاتلوي ذراعي
هذا الوفا و الصراحه اساس اطباعي
و ويل قلبي من اطباعك آيا ويلُه

احذر كلام الوشايا لا يفرقنا
واحذر حبيبي وخلَّنا في محبتنا

الناس ماهمها إلا تباعدنا
والحب ما بيننا لازم نوفي لُه

هيهات أنا انسى هواك ساكن في وجداني
يعزف على اوتار قلبي هيض اشجاني
حتى المشاعر حكت لك أنت شي ثاني
أنت المحب اللي لا ما يصح تبديلُه

طيفك يلاحق عيوني وين اروح القاه
الله عليه ياحبيبي ياسلام اللُه
اهواه و اهوى وجوده يالغلا اهواه
وإذا ابتعد ياهنا بالي شا اسوي له