من محطات التجارب على خط الظروف
علمتني سود الايام والحظ الردي
كل معزف لي على وتر ماهوب معزوف
طالت خطوط المسافه وليلً سرمدي

والبن ادم لا لِحقْته من الدنيا صدوف
كان ماتخلّيه جيّد .. تخليه أجودي
ساريً من لهفة الشوق مع خط الهفوف
ولا دريت الا و انا عند ميناء الاحمدي

والتعب في بعض الاحيان ماهوب مخلوف
يتعب الرجال نفسه ويسري ويغدي
الّا مسرا الحب والشوق مع ذيك الهنوف
اللي منطقها يلبيه ولّا ي بعدي

وانا ارد الهرج واقول من قلبً شغوف
انت مدري سيّد الغيد ولّا سيدي
صوتها يضبط مزاجي مثل ضبط البلوف
لو تناديني وانا منكسر جيت اعدي


هذي لو تلعب بقلبي وانا عيني تشوف
ماقدرت احط قلبي على راحة يدي
حتى لو انها تغلّا ولو انها عيوف
ادري ان مافيه قبلي ولا فيه بعدي

والله من زين المحبه ومن زين الوصوف
والجناب الدمثث فوق البساط الاحمدي
ماعشقت الا اربع حروف من كل الحروف
والله مافيها ولا حرف ماهوب ابجدي

اعترف ماصرت مبدع وشاعر فيلسوف
قبل اشوف اللي على ابوه سمّيت ولدي
يابعد من شاف نفسه ولا ادري وش يشوف
والله لا وجهً يجمّل .. ولا رايً قدي

يوم حبيتك تمكّنت من كل الشفوف
والديني بعد ديني ثم انتي وبلدي
غير هذي مابقا لي على الدنيا حسوف
ما اتمنى غيرها لا سهيل ولا جدي
والقصيده حافها صادق الاحساس حوف
مانقصها غير نغمة فلاح المسردي