ما يهمه – محمد بن غرمان

الوداع اللي غشى ليل المسامع في سكاته
هز جذعان القصيد وطاحت رطبه جنيه
المفارق والمواجع والهزيمه والشماته
اربعه تفرض على قاضيها حل القضيه

القصيد الفصحوي على جميع معلقاته
ما يعوض من فقد جورية الورد النديه
قلبي اول قلب يعلن في حياته عن وفاته
من رميته في تهاتيه الغرام السرمديه

مابقى منه هشيم وما تبقى من رفاته
دافنه فوق الثرى في دارها نجد العذيه
ياوجع قلبي لامنه عاش ماضي ذكرياته
اصدق شعوره يعيشه يعتبر شر البليه

ان خذيتي ما يريح باله ويجمع شتاته
خلي طيوفه على بالك و عديها هديه
من عشق قيس الملوح قلب ليلى باستماته

اتسائل عن احاسيس الهوى و مخلفاته
هل على الرجال ذنب ان عاش قصة عاطفيه؟
اضمن بحور الخليل وموجته ومراوغاته
بس من يضمن بحور الحب لاصرت الضحيه؟

في كحل عينك غريق مالقى سترة نجاته
وحزة اليوم العفر فارس على ظهر المطيه
الشجاع االمرتكز على المشاريف ب ثباته
ما يهاب من الحروب الا الحروب الداخليه

لا تلومين المودع لا فشل بمحاولاته
من يشوف رموش عينك طارت عروقه شظيه
ما يهمه لو يعيش اللي يعيشه من حياته
قد رهن باطراف وجهك باقي ايامه وصيه