ليت الجروح قصاص – مزعل فرحان

ليت الجروح قصاص واخذ بثاري

لاجرحك جرحٍ مايداويه دكتور

جرحٍ يطفي من لواهيب ناري

ويشفي غليلٍ لاع عالهم والجور

سقيت قلبي بالغدر سم هاري

واودعت عقلي تايه الراي مخطور

ودي قبل موتي ارد اعتباري

اخاف اموت وخاطري منك مكسور

على كراسي الجرح طال انتظاري

ماتلتفت لي ليه قاسي ومغرور

مفعول غدرك داخل القلب ساري

مظن في قلبك احاسيس وشعور

لي من كتب ربي عليك انتصاري

ابتركك في ليل الحزان ماسور

لوالجفا بالحب ماهو شعاري

وحده بوحده وماخذ الثار معذور

محدن بحالي من سواياك داري

اضحك واجامل والحشا منك مقهور

لو الوفاء ماله بخاطرك طاري

يامحترف تجريح قلبي من الشور