لا تعتذر مني – مزعل فرحان
لا تعتذر مني ولا بأعتذر لك
أبي فراق ما يجي بعده فراق
ما عاد يعنيني وش اللي حصل لك
قلبي بحبك يا عديم الوفا فاق
ذليتني مره وأنا كيف أذلك
وأحرقت في عيني من الماضي أوراق
ما به حديث أرويك يا ويش أقلك
اللي بقوله بس ما منك ميثاق
كنت أحسبك باقي وأنا تحت ظلك
ولو غبت عنك بس لو يوم تشتاق
لو كنت دمعة عين وربي لأهلك
ولا عاد يبقى لك أثر بين الأعماق
أموت أنا بالحب كله رضا لك
ولو ضاق قلبي منك بأقول ما ضاق
خلك على كيفك مع الحب خلك
قلبي يذوق اللي من الحب ما ذاق
عذبتني وان مت أنا يوم من لك
وما صار فيني منك ما عاد ينطاق
لا يوجد تعليقات حالياً