لا تختبر صبري معك لا تزود هبالي
خلنا كذا نهوى بعض لا تطيح من عالي
لا تسمع اللي همهم فرقانا ياغالي
خلك على خبري كذا وهرج القفى خله

شب الغلا في داخلي جمر وتدفابه
ومر الخفوق اللي فتح لعيونك ابوابه

قلبٍ وفالك للأبد ياسيد أحبابه
انت الوحيد اللي ترى تبري له العله

لا مرني طاريك انا فزيت له كلي
ياحي هالطاري هلا واهلين ياخلي
والله ولا لي في الهوى غيرك انا من لي
يامعلمٍ قلبي الغلا يامالكه كله