كيف اوصفك وانتي القصايد والإحساس
وعيونك أعذب من خيالي وكلامه
وإنتي اللي قدرك لو بالأبعاد ينقاس
شوفي السما واختاري أبعد غمامة

احبك ومن ما يحبك في هالناس
وإنتي اللي ذوقك ذوق وحسنك علامة
تعكس أناقة روحك بقلب حساس
وتعطي فخامة ما بعدها فخامة

إنتي وانا روح وتكملها لأنفاس
وما حد يفرقنا ليوم القيامة

يالجوهرة و يا تاج من عالي الراس
ما ينزل إلا وفي خفوقي مقامة

لك ضحكة تمسح على الهم والباس
لاشفتها ترسم في قلبي إبتسامة
واقرا عليها من تبارك إلى الناس
واحصنك بايات ربي وكلامه

وجهك حبيبي ومابعد قلبك أحساس
وشوفك سعود ايام عمري ومرامه
إن جيتي شفت ترابك بعيني الماس
وإن غبتي وش يملا غلاك ومقامه