كنت احبك – ناصر السبيعي

لا تكمل وانا المخطي وحقك يجيك
وحق نفسي لنفسي كم علمتها
ماني حالف بروحي وانت روحي تبيك
وانت صدقت تفكيرك ماصدقتها

ليه كذبت ب افعالي هذي وذيك
وانت تعرف فعولي بس كذبتها
قلتلك يوم احبك جعل مالك شريك
وروحٍ تخون في حبك ماحللتها

وجاي شكك بحبي يا ما شاء الله عليك

ويش باقي عبارة غل ماقلتها ؟
تحلف اني اخونك ؟ جعل ربي يهديك
وانا حتى طيوفك معك ماخنتها

وجاي نادم بعد ماضيعتني يديك
وانت كلمة عتابي ماتحملتها
كنت احبك كثير وكان قلبي يبيك
كنت حاجه ثمينه بس ضيعتها