بدي حدا يشتقلي كل ما اشتقتلك
ضمو لقلبي وحس عم ضمك إلك
بدي حدا شوفو إنت لو طل
إقعد بوجو عالهدا واتأملك
حبيبي

بكل مطرح في أنا وأنت سوا
في ذكرياتي العالقة بماضي الهوى
قلبي صفي مجروح مش لاقي دوا
يا بموت عإيد الوفا يا بقتلك


وانطرت وحدي الموعد المنسي
وحدي ومعي ذكرى هوى أمسي
و مرقو إيديي بوسو الكرسي
ال كانت عا بعدك بالدني حبسي

وطلبت إشرب قهوة الماضي معك
متل اللي قلبي ما بحياتو ودعك
كل ما حدا حدي حكي عم إسمعك
بتمنى إقدر من غيابك رجعك