قدر ما تقدر اتدلل – نادر خضر
إدلل إدلل
قدر ما تقدر إدلل
و بأعذارك إتعلل
يزيد الشوق و تتجمل
منو القال الحلو بكمل
جميل رغم الدلال الفيك
جمالا نوره في خديك
وقت ما أشوف ظلال عينيك
بشوف الريدة تتمثل
جميل خلقة و جمال أخلاق
جمالا عظّمه الخلّاق
جمال خلّاق
جمال خلّى الوجود أجمل
وقت ما أنت تتبسم
كل الدنيا تتبسم
و ده العائش حزين عمره
نسيم أفراحه يتنسم
مناه يجيك و يتوسل
بشوفك زي قمر بسام
و أحسك في الوتر أنغام
و مهما في دروب حبك
أشوف يا عمري من آلام
وحاتك أنت بَتحمّل
بشوفك في نجوم الليل
تشيل أفكاري بي ترحل
أعاين في سماك و أسرح
و أقول يا الله لي تقبل
و أعيش لحظاتك الحلوة
متين يا روحي ليك أصل
لا يوجد تعليقات حالياً