قالوا رجع من غيبته قلت وش فيه
مشتاق ولا انه مفارق حبيبه
خلاص ماعاد السهر والمشاريه
تجيب راسي كل ما بان عيبه

الي رخص بي يوم انا كنت شاريه
عقبه ولا احس المفارق مصيبه
خلوه يبعد والليالي تربيه
خلوه يذكر قبل جرحه طبيبه


مدام راسي حل لا حل طاريه
ابذكره كن المسافه قريبه
وابتركه تذكار فالقلب ناسيه
مهمل مع باقي الجروح العطيبه

الي تركني بعز ضيقي وانا ابيه
عندي حضوره صار كنه مغيبه
الي مشا بكيفه وكيفه يوديه
خله على كيفه وكيفه يجبه