على بلدي (وطني) – شادية

على بلدي بلد الأحرار على بلدي بلد الـثوار

على بلدي بلد أمي و أبويا على بلدي بلد أختي و أخويا

و لايغلى الغالي على بلدي و يا ويل عزالي من بلدي

ياما قلبي زمان كان يتمنى

و أهو نال و اتمتع و اتهنى

قولوا لحبايبنا هنا الجنة

قولوا لأعادينا هنا النار

على بلدي لأحلف بحياتها و ايديها و ايدين اخواتها

واللي بيتكلم على بلدي قولوا اتعلم من بلدي

وحياة مين خلاها قوية

وهبها الوحدة العربية

لتعيش بكرامة و حرية

غصب عن عِند الاستعمار

على بلدي و ثورة أبطـــالها ده صحيح ما يجيبها إلا رجالها

غالين ما يهونوا على بلدي وكفاية يكونوا من بلدي

بلد اللي الدنيا في أقطارها

و تهزالعالم أخبارها

واللي ما يعرفش مقدارها

مش حنعرف له مقدار

على بلدي بلد الأحرار على بلدي بلد الـثوار