عظم وغضاريف – بدر بن عبدالمحسن
في دربـكم يا راحلينٍ ٍ منـاكيف ... تـالي ليـالي القيظ وأول خـريفه
ردّوا سـلام أهل القلوب المـواليف ... على الوليف اللي نشد عـن وليفه
ردّوه لعـذوق النخيل المهـانيف ... وعلى القصـور اللي بـوادي حنيفه
دارٍٍ لهـا بالقلب عشق وتـكاليف ... يـاعـل عيـنٍٍ مـاهـوتها كـفيفه
طـبنا وشـبنا وأتـعبتنا المشـاريف ... والمـرقب العـالي هبـوبه عـنيفه
يا وارديـن العـد .. كفـّوا المغاريف ... اللـي بقـى دمـعٍ هـماجٍٍ ذريـفه
والله لو دمّي يـغيث المـلاهيف ... قطعت عـرقي ليـن يصفى نـزيفه
ويا حظ من لا عرف منهو ولا شيف ... إن طـاب ..يحمد وإن تـردّى .. بكيفه
وحنا ورثنا العـز عظم وغضاريف ... لا مـا ورثـنا العـز تـاج وقطيفة
لا يوجد تعليقات حالياً