طال صبري والشتا ليله طويل
وانتهيت وعلدني في بدايته
الدقيقه فيه عن عشرين ليل
عند من شوفة حبيبه غايته

والوله مايعرف الصبر الجميل
شف تقاسيم الحزن فمرايته
احسب ان مافيه شي مستحيل
يمنع احلام السنين الفايته

لين شفت الصبر تأثيره قليل
لو مشى المشتاق تحت وصايته
ياظروف الوقت والوقت البخيل
الصبر لاطال ويش نهايته

حسبي الله فيكم ونعم الوكيل
خلو الولهان يرفع رايته
البطا عن شوفة الطرف الكحيل

شعرة في نون عيني بايته

واللقا لحظه وانا عابر سبيل
مااغبط فيه الملك وحمايته
قالوا اصحاب الهوى خلك ثقيل
قلت هاتوا لي حديثه وآيته

كيف يثقل عاشق قلبه هبيل
ماهو بكيفه ولا بدرايته
ماوراكم غير قال وغير قيل
الله يهديكم وانا بهدايته

اتركوني لو تشوفوني قتيل
كل قلب ورغبته وهوايته
ياحبيبي لك ورى قلبي مقيل
بعد حفظ الله وبعد رعايته

والله ان مالك شريك ولا بديل
يابدايه حبنا ونهايته