علقت في المسمار قناع مهزلة – صلاح جاهين

علقت في المسمار قناع مهزلة ومعاه قناع مأساة بحزنه ابتـــلا بصيت لقيتهم يشبهوا بعضهـــم واهو ده العجب يا ولاد و الا فلا عجبي

غطس وقب الموج نهود بمبي – صلاح جاهين

غطس وقب الموج نهود بمبي من ألف جيل جمالات ما تعلم بي يا قلبي عيب دول امهاتنا القدام أستغفر الله العظيم ربـــــــــــــي عجبي

عيني رأت مخلوق في غاية البشاعة – صلاح جاهين

عيني رأت مخلوق في غاية البشاعة أنا قلت له لما تأملته ساعـــــــــــــة اللذه و الموت علموك اللــــــــــزج و انا علموني الفلسفة و الشجاعــة عجبي

اوقات أفوق و يحل عني غبايا – صلاح جاهين

اوقات أفوق و يحل عني غبــــــــــايا واشعر كأني فهمت كل الخبايـــــــــــا و افتح شفايفي علشــــــان اقول الدرر ما أقولش غير حبة غزل في الصبايــــا عجبي

إيه اللي خدته من مرور السنين – صلاح جاهين

إيه اللي خدته من مرور السنــــــين يا قلبي الا دمعتك و النيــــــــــــــين بتئن و ترجع و بتفرح و ترجع تحــن مع إن مش كل البشـــــــــــر فرحانين عجبي

الأرض شوك أيوه لكين هايش – صلاح جاهين

الأرض شوك أيوه لكين هايش و الحمرة مش يعني الطريق حايش دي دمنا السيال .. وبشرة خيـــــــر ان انتي عايشة و ان كنت أنا عايــش عجبي

أنا قلبي كوكب و انطلق في المدار – صلاح جاهين

أنا قلبي كوكب و انطلق في المدار حواليكي يا محبوبتي يا نور ونـــار يلف مهمــــا يلف ما بيكتفــــــفيش وتمللي نصه ليل و نصه نهــــــــار عجبي

ورد في ورق سلوفان يا حلوة اهديلك ؟ – صلاح جاهين

ورد في ورق سلوفان يا حلوة اهديلك ؟ و الا انقله بالطين في الشتلة و اجيلـــــك الأولاني لو وحا بحنــــــــــــــــــــــانــي عجبي علي التاني بإيــــــــه يوحيلــــــــك عجبي

الموج تلول تهبط وتطلع تلول – صلاح جاهين

الموج تلول تهبط وتطلع تلــــــــــــول يا بحر خدني الشط صاحبك ملـــــــول و الا بلاش الشط ح اعمل به أيـــــــه ده ريحته طحلب مهري و ام الخلــول عجبي

ما آنتاش بتلعب ليه يا روح بابا ؟ – صلاح جاهين

ما آنتاش بتلعب ليه يا روح بابــــا ؟ و لا عسكري و لا لص في عصابة ؟ إلعب أسد أو ديب رهيب أو غـــــزال دي الدنيا في نهاية المطاف غابـــــة عجبي

يا كل كلمة للعجب في قاموس – صلاح جاهين

يا كل كلمة للعجب في قامــــــــــــوس انسكلوبيديا لسان العرب أو لا لاروس تعالوا نجدة . ده لسه في عصـــــرنا الشمس و البحر العريض بالفـــلوس عجبي

الحلو يم اليم صابح رايح – صلاح جاهين

الحلو يم اليم صابــــــــــح رايح سارح في حضن الميه سابح سايح الحلو داب في البحر ، قلــــت أدوقه وجدت لسه البحر برضك ماــــــلح عجبي

وقفت ساعة الصبح باغسل سناني – صلاح جاهين

وقفت ساعة الصبح باغسل سناني قالت لي شايف قوتي و لمعاني ؟ إيش تطلب اليوم مني ضحكة أسد ؟ والا ابتسامة اعلانات أمريكاني ؟ عجبي

في الهو ماشي يا بهلوان إش إِش – صلاح جاهين

في الهو ماشي يا بهلوان إش إِش يا فراشة منقوشة علي كل وش شقلبت عقلي و عقلي شقلبني و كنت باحسبني بقيت ما اندهش عجبي

عجبي على العجب العجيب العجاب – صلاح جاهين

عجبي على العجب العجيب العجاب لما الحقيقة تطل بعد احتجاب و تروح و تحلا وفجأة تصبح مفيش كمثل طراطيش بحر ياما خد و جاب عجبي

احسن ما فيها العشق و المعشقة – صلاح جاهين

احسن ما فيها العشق و المعشقــــــة و شويتين الضحك والتريقـــــــــــــة شفت الحية . لفيت . لقيت الألــــــــذ تغييرها . و ده يعني التعب و الشقا عجبي

ازاي شبابنا يقوم و ياخد دوره – صلاح جاهين

ازاي شبابنا يقوم و ياخـــــــــد دوره من غير صراخ يئذيه و يجرح زوره يا هلتري أحسن له يقعد ساكـــــــــت أو ينترك و لو خرج عن طــــــوره ؟ عجبي

عاد الربيع كأنه طعم الحب – صلاح جاهين

عاد الربيع كأنه طعم الحــــــــــــــــــب و الحب نار جوه العروق بتصـــــــــب اتمتع ازاي بيه وانا متقطـــــــــــــــع من كتر خوفي لا في الخطيئة يطب ؟ عجبي