شق صدري – مزعل فرحان

شق صدري وانت تدري بالجراح

لا تعاتبني وانا كلي حنين

في بعادك ما اهتنت عيني مراح

حبك بقلبي قديم له سنين

واثق بقلبي ولا ادري كيف طاح

خانني قلبي وخلاني رهين

لاعني هجرك وقلبي ما استراح

ناظر اللوعات فيني والأنين

لو كتمت وقلت سدي منك باح

بان دمع عيني واتضح اني حزين

انت قصدك حبنا كله مزاح

وين صدقك وين عهدك ذاك وين

دمع عيني فوق خدي منك لاح

لاح برقه وانكشف شي دفين

ما بقى لي كود ذكرى والنياح

صابر قلبي عسى ربي يعين