مش كل اللى بنحبهم هيكونوا لينا
ولا كل اللي بنحبهم لايئين علينا
ممكن نلائي اللي ياما حلمنا بيهم
ويلائونا منلاقيش الحب فيهم

وساعات بنشوف الحب وهو مبيشوفناش
وساعات يئابلنا الحب ويمشي ومعرفناش
وساعات بيجينا الحب ويمشي كأنه مجاش
وكتير بيسيبنا الحب وجرحه مبيسيبناش


مش كل اللي راح مننا سيبناه بايدينا
ماجايز يكون حلمنا ماحلمش بينا
ممكن يلائي فينا فعلا كل حاجه
وأي حاجه ومايلائيش الحب فينا

مش كل اللي بيحبنا ساب جرحه فينا
ده جايز يروح مننا والخير يجينا
ممكن نعاند ويفضل بين ايدينا
وبعد جرحه منلائيش اللي يداوينا