زينك جديد – غريب ال مخلص

اشتقت لك والشوق عندي محدد
شوق المحبه غير شوق السوالف
انتي ترى حبك وعشقك تجدد
وقلبي مع قلبك مسوي تحالف

شف الغلا ياصاحبي لك تمدد
وانا على صوتك وحسك موالف
وعن جيتك في ذمتي ماتردد
وانا ادري انك بالوعد ما تخالف

اشياء جميله فيك ياويش اعدد
انتي جمال الكون والزين سالف

احلا بنات الناس منك تصدد
زينك جديد وباقي الناس تالف

ياباشة الغيد البشر لك تودد
وانا معك فالحب صادق وحالف
اي والله ان حبك بقلبي تشدد
غالي على قلبي بلايا تكالف
اشتقت لك والشوق لجل تحدد
شوق المحبه غير شوق السوالف