صدق راعي المثل لي قال
دروب الحب ذِلّه في مذلّه
سهر و هموم و ضيقة با و شوق الخل إلى محبوبه و خلّه
يلوموني و لا يدرون بي العذال

فكيف يلام اللي له الروح معتلّه ؟
براني الشوق رماني في بحر الأهوال
و صارت حالتي من الشوق منسلّه
أنا بِودّي ريم ٍ لا مشى يختال

ملَك روحي سكن الفواد واحتلّه
رماني ما خطا من ناعس ٍ قتّال
تصوّب خافقي تل الحشا تلّه
شبك قلبي مثل ما تشتبك الحبال


مسج بين الخوافي ودّه و دلّه
أردّد ونّتي و الخالين ذهال
و أنا عيني سواجي دمعها تهلّه
وحيد و ما معي من بشتكيله الحال

سوى ليل ٍ عتيم و نجمه مطلّه
صبرت و عافني صبري كثر ما نال
و زادت لوعتي من فيضها علّه
فلا لي حيلة ٍ في أمرها أحتال

مدام الحب ذلّه في مذلّه
صدق راعي المثل لي قال
دروب الحب ذِلّه في مذلّه