حلوة الدنيا اتمسك بيها
يلا نعيشها بكل ما فيها
اي هموم لبعيد نرميها
دي الافراح بالكوم

حلوة الدنيا بكل بساطة
عيشها دي مش محتاجة وساطة
داحنا ساعات حتة شيكولاتة
تغير مود اليوم

يلا يلا عيش وحب
يلا يلا نط فوق وقب
لسه فيك حياة وروح تدب
اوعى حلمك يوم يتساب


يلا يلا شغل جد
يلا اي سور تهده هد
لو طريقك النهارده سد
بكرا يتفتحله الف باب

اضحك ضحكة تهز الدنيا
واوعى الحزن يهدك ثانية
خلص فرحة ادخل فالتانية
عيشها ما تستناش

ارقص رقص كل الكون
بدل اليوم هتعيش مليون
ركز والعب هانجيب جون
ما هو يتكون يا بلاش