حضرة المارد – سهى المصري

قلبت الأرض
طول وعرض
وأنا أدور لقلبه حل
عجزت أوصل
وقلبي مل
وشوقٍ داخلي كابوس
ذبحني الليل
هم و ويل
وصدري ضاق ما أتحمل
ألا يا ليت
أنا اتمنيت
وجاني مارد الفانوس
أنا يا حضرة المارد
فقط عندي طلب واحد
ومالي في الطمع وارد
ولا عندي طلب ملموس
ابيه يحس محبوبي
بحبي ويتجه صوبي
ويلبس في الهوى ثوبي
وياخذ من غرامي دروس
ابي ينهد
حيط الصد

وقسوة قلبه تتبدل
واشوف الزين
كله لين
وحبي داخله مغروس
يقول أهواه
يوم ألقاه
وأصير بعينه الأجمل
وحظي يصير
فأل الخير
وما اشوفه أبد منحوس
ترى
يا حضرة المارد
تعبني دمه البارد
لإنه يصد ويعاند
وأنا بالحب له ملبوس
ابيه يداوي جروحي
ويفهم صمتي وبوحي
وروحه تنتمي لروحي
وما يسمع ضعاف نفوس

كلمات: محمد القاسمي

ألحان: أدهم

2021