حارتنا في الحواري – الشيخ امام

حارتنا في الحواري علم ع الصواري

لو قال فوقها الكناري.. تتهز المشربية

يا حوش آدم يا دارنا يا ساكن حضن جارنا

سيدنا الحسين تبارك شهيد الإنسانية

مدد سيدنا وشهيدنا يا قايل ومواعدنا

يكون عيدك وعيدنا يوم طلعة شمس جاية

يا حارة جوا حارة يا مجمع السهارى

من كل حي حارة.. في الحضرة الآدمية

مدد أنس الحبايب مدد حاضر وغايب

مدد زين الصحايب يا سادة يا موجيه

فيك العيدان هزيلة شايلة الحمول تقيلة

ولا باليد حيلة ولا الأيام هنية

سيدنا الدردير يا بابا مدد يابو الغلابة

فوق الحواري غابة بتمص الآدمية

صبحك صبايا صاحيه هالين من كل ناحية

مدد يا سيدي يحيى توعدنا باللي هيّ

يا حارتنا يام شيلة هزي الهلال وهيلا..

قدامك يوم وليلة ع الفرحة والعيدية