شوفني كل ماطراك الشوق .. أسأل
ليه ماتسأل إذا شوقك طراني ؟
قلت لي (لاغبت عن عيني ابزعل)
قول والله .. ماسمعتك .. قول ثاني !

في كلامك كلّ شي في الحب يسهل
لكن الواقع ، أنا منّك أعاني !
ايوه .. ايوه : السهر ؟؟ العشق ؟؟ كمِّل
إنت تستهبل ؟؟ يَـ ليت انّك مكاني !!


أتصل بك دايمٍ واكتب وأرسل
ماترد .. وهاتفك ماقد قراني !
حطني صامت أنا ماعدت أحمل
لك شعور ، وماوصل منّك كفاني !

وابتعد أكثر لأن البعد أجمل
وخلّني مابين شعري والأغاني !
العطا لو مايجي من قلب يفشل
والبلا فيني إذا بعطيك ثاني !