تُرفَع الأقلام وْيِنفَضّ العَهَد
وْننتهي وأعفيك من حب وْغرام
آنا طبعي راقي... ما أكره أحَد
بحترام آحب .. وارحل بحترام
وْتبقى غالي عندي بس قبْل ابتعد
شوف وإذكِر زين وإحفظ هالكلام
مثلي لا مَِّرك ولا بيمُر بَعَد
شخص حَبّْك كثري ثُم راح بسلام

آنا حِلمك وإنتَ ذاك اللي قِعَد
من منامه وْما لِقا حلْم المنام
وْ لاإكسَرَتْك الدنيا بحزان وسَهَد
عندها بِتعرْف قَدري والمقام
علّمَتني الدنيا ما أندم أبد
ع المحبَّة والعطا والإهتمام
أعطي من طيبي وإذا غيري جحد
يفدا راسي الحب ويفداني الغرام