انا بالقوة نسيت مو حرام تذكروني
ارحموا عيني حرام دمعها والله نشف
لا تطروا لي حبيبي لو سمحتوا ساعدوني
كل ما طريتوا اسمه قلبي يا عالم ضعف

أكذب أدري ما نسيت بس انتوا جاملوني
عدوا الكذبة عشاني كن ما شي اختلف

وان لمحتوني بكيت لا احد يمسح عيوني
يمكن الذكرى تطيح مع دمعي لو ذرف

لو ضعفت ورحت له لا تخلوني خذوني
ما هو بايدي قلبي اللي لا تذكرته وقف
كم لي أسأل ما لقيت من يجاوب صدقوني
اذا حاله مثلي والا أنا حبي من طرف