امس هلت عباير من محاجر عيوني . . . والله المطلع علام ما كان فيّه

قاعدٍ في مكاني هاجعاتٍ ضنوني . . . لين جاني وليف الروح صافي الثنيّة

قال وش هالقطاعه يا مضنة عيوني . . . قلت بالغوص جعل الكل يرجع بغيّه

حسبي الله عليهم في الخشب وهقوني . . . لين هم ورطوني في البحر هالسويّة

لا جناحٍ نطير ولا طروشٍ يجون . . . لاشي برٍ قريبٍ والسباحة رديّة

كل عام نقيض عند نجل العيون . . . آه وا قيضة راحت فواتٍ عليّه

طابت النفس انا يا النوخذه حولوني . . . شايمٍ شومة الضلع الحمر عن طميّة