الله لنا ياللى تغلا علينا ... جفيتنا واليوم حنا جفيناك

يوم انت صافي بالمحبه صفينا ... قبل يتغير لك حلا الطرف مبداك

بعد الجفا منك ترانا سلينا ... عقب الغدر بالصد والهجر بجزاك

والله ماأرخصناك يومك تبينا ... لاشك انت ارخصت نفسك وبعناك

وغيرك من الزينات حنا لقينا ... اللى ينسينا غرامك وذكراك

ايام حبك ياحبيبي بكينا ... يوم انت تهواني وانا مثلك اهواك

اول وانا ماأسلا عنك ساعتينا ... واصبرت عنك اسنين واشهر وبنساك

لو كان ترجع للرضا مارضينا ... وبتركك وأنساك وبتحداك

صدقت هرج الزور والحاسدينا ... طاوعت من غرك ودهورك واغواك

بعز نفسي عن هوى الخاينينا ... من عافنا عفناه مثلك وشرواك