(منى أمرشا):
كل عام وإنت حبيبي ياضيا عيني . ياكل عام جديد يقابل سنيني
من كثر ما أحسب إنك قطعة مني . هنيت نفسي قبل لا إنت تهنيني
(حسين الجسمي):
كل عام وإنتي حبيبة قلبي وحبي . كل عام وإنتي ياقلبي أقرب إلـ قلبي
يا أروع هدية وهبها لـ دنيتي ربي . وأرق وأحلى جمال شافته عيني

(منى أمرشا):
هـ العام بجمع نجوم الليل يـ الغالي . بكتب بها إسمك من أول حرف لـ التالي
وأرسم بها صورة مافارقت بالي . وأحبس لك أقمار ليلي بين كفيني
(حسين الجسمي):
وآنه لـ عيونك ورود الحب بنثرها . برسم بها قلبي وقلبك وأصورها
بـ حروف إسمك بزينها وأعطرها . وأقول أحبك كثر مانتي تحبيني


(منى أمرشا):
فديت قلبك يا أغلى حب يحيى بي . يا أقرب لـ عيني من جفوني وأهدابي
يا أول أحباب عمري وآخر أحبابي . يكفيني أحيا العمر وياك يكفيني
(حسين الجسمي):
وآنه بدونك سنين العمر مابيها . ماتخيل أحيا بـ دنيا إنتي مو فيها
بـ أنوار حبك أزينها وأحليها . وأمد جسر الغلا مابينك وبيني

(منى أمرشا):
حبيبي غمض عيونك بس وإتمنى . نبقى لـ بعضنا وبـ الأيام نتهنى
وتمنى كل عام يقبل يبتدي منا . وأنا أبتدي بك محبة وإنت تبديني
(حسين الجسمي):
غمضت عيني وقلت الله لا يحرمني . منك ياحبي وغلاي وقطعة مني
ماتمنى لحظة تمر وتبعدك عني . يامن أشوؤف بـ عيونك أجمل سنيني