حبّه نعمة .. وقربه دعوة مستجابة
مافي منّه كنت أدوره والله جابه
في عيونه لكل أسألتي إجابة
جاني الشخص الأصح فِ الوقت الصح
في وقت الصح
جاني في وقت الصح
من غير جمع وطرح
مثله وأنا مغمّض أحب ما أحاتي
فرش لي الأرض
إحساس وعشنا لبعض
بمّه ضحك لي الحظ
رد روحي لروحي ورد لي حياتي
فتح لي قلب
مليان راحة وحب
ومن الذهب أذهب
يلمع غلا ولدنيتي معطي سعادة
طغى عالكل
بي مركزه الأول
يصعد وما ينزل
رتبني و وسوى لغاليني إعادة
تركيزي معاه
وعيوني وراه
واللي عذلني بحبي له يا علّه فداه
خاطر قلبي فيه
كل لحظة يبيه
وبالي إذا ماهو معه .. يعني عليه

قبله شيّ وبعده كوني شيّ ثاني
صار ل أشياء ما لها معنى معاني
الأماكن والسوالف والأغاني
كلشي بعيني حلا وبالأوّل مرّ
إذا هو مرّ
منه الحسن يٰبهر
وما ينطق إلّا دٰر
ألقاها من زينه و لا من كلامه ؟
يغار .. يحسّ
عيونه آنا وبس
حط القمر والشمس
بيدي وعطى عينه قبل إهتمامه
لِ أبعد حد
ماخذني صدّ ورَد
من حبّه صعبه آرد
كل يوم يمر يمّه يزوّد غلاته
ولا يمكن
فيني يخيب الظن
للآخر .. ودوماً
أغليه أحبّه وأعشقه بإستماتة
تركيزي معاه
وعيوني وراه
واللي عذلني بحبّي له يا علّه فداه
خاطر قلبي فيه
كل لحظة يبيه
وبالي إذا ماهو معه .. يعني عليه