اعطني فرصه ولو حتى دقيقه

بس اشرح لك ظروفي يالحبيب

ظرف اجبرني بكتمان الحقيقه

مانبي العذال تفرح والغريب

وانت واثق ان حبي لك وثيقه

تاب تهرب من الحواسد والرقيب

تكفي النظرات والكلمه الرقيقه

والشفاة الباسمه تطفي اللهيب

والوفى والود واللهجه الرشيقه

هذي اللوحات من كلمة حبيب

كلمة العشاق تطلع بالسليقه

مايخططها المهندس والطبيب

قلبي الولهان بك عارف طريقه

لو بعد عنك زمن طيفك قريب

ثق وثق يازين ذي عين الحقيقه

مالنا والناس والهرج الرطيب

من كثر هرجه نشف حلقه وريقه

والكلام الجم مانجح خطيب