احنا البلد
عزوة وسند
لو ع العدد
متعدناش
سالكين لبعض
بنحب بعض
وفى ضهر بعض
ومجليناش

اتقل تقال
والصحة عال
واقفين جبال
مين هزنا
المعلمة
متكلمة
رب السما
بيحبنا

اسأل علينا الناس تقولك مظبوطين
عمام بلدنا و شرق غرب مسمعين
لينا هيبة فى حضورنا وغيابنا مسيطرين
متصيطين وفى كل منطقة محبوبين

لما الاسود يظهرو
العولة يتبخرو
دى رسالة للى ناسينا
و ادينا بنفكره
حبة اسامي ع الورق
وبقولكم ع الملأ
فوقو كارتنا الكسبان
اما انتو كارت اتحرق


رجولتنا كيف
كلمتنا سيف
فى بلدنا ضيف
ع الراس نشيله
شوفنا الغريب
قبل القريب
احنا الحبيب
لو فين نجيله

متميزين
مش شفافين
دا تاريخ سنين
ياولاد يومين
مين فيكو كان
معروف زمان
يا بتوع الان
هتروحو فين

ادخل على الفيس بوك خد صورتى اسكرين
اهى تنفعك برضو فى حوار ولا فى كمين
لو حد يوم سألك وقال تقرب لمين
ادينى رنة وسيبها بس على المعين

مين فى البلد قدنا
علشان يحددلنا
دا في ناس ياعم الناس
بتمشي على حسنا
دي الجدعنة فى دمنا
ومشرفين نفسنا
متصيطين بأصول
والكل يشهدلنا