ابد لاتكتبين اسمي – بدر الحبيش

أبد لا تكتبين اسمي يدل الظرف عنواني … إلى منك صدقتي به يدل الظرف عنوانه

نعم ياناقشة همي وياسجني وسجاني … بديت افهمك انا وإن كان ماتدرين غلطانه

كتبتك شي على شانك أبد ماهو على شاني … جمعت البحر في قلبي عشانك به الدانه

نعم ياسالفة عمري مانيب أول ولا ثاني … ولا ثالث ولا رابع حياتك حيل مليانه

ولكن الزمن ظالم نزع قلبي عن اوطاني … وجاء في زحمة الارقام رقم مالقى خانه

نعم ياناقشة همي أعرف ان العمر فاني … وأعرف إنك عن المشوار مشغوله على شانه

ولو دققتي النظرة لقيتي بعك الحاني … ولو حركتي الخطوة خذاك الطيف لألوانه

نعم ياسالفة عمري بديت ألملم أحزاني … بديت احلم ابل اليابسه من غيم دخانه