ابتسم حظي وجابك
وابتدى معه الهوى
لاتغيب ارفق بحالي
وانت لي طب ودوا
العمر موحش بدونك
خلنا نعيشه سوا
ضامياً قلبي وصالك
بعد ماجيت ارتوى

وجهك اللي تسترينه
يتضح مهما يصير
مايحجب النور غيمه
خلفها بدرٍ منير
كان يسأل عن غلاته
ماله بقلبي خشير
يامر وينهى بكيفه
واللي يامر به يصير



اضحك وغيض العواذل
جعل مايضحك سواك
سابق العالم بزينك
كلهم صاروا وراك
تسحر العالم عيونك
وأبتسامه من شفاك
‏لا تلوم اللي تولع
في محبتك وهواك

اكتسحت القلب كله
صرت شريان ووريد
مازعلت انك ملكته
ودي اعطيك المزيد
اعترف لك انك اجمل
شخص ياعذب القصيد
واعتبر نفسي بحبك
صاحب الحظ السعيد