إسمي أنس على إسم سيدنا أنس راوي الحديث ويا دوب أنا ف سن البلوغ ترقيني أمي كل يوم م الحاسدين وتقول عَليّ ابن موت وملاك جميل
والموت يا أمي مستحيل
يجيب عيال الموت يموت
لو يشوف ضحكتي لما باخطف الفرح من بُق بُومَة أو غُراب

وأنا غني ومش فقير يمكن أكثر م الملوك من غير كنوز ولا أرصدة في البنوك
من الونس مع الصحاب وحضن أمي وجدتي وبابا لطلع لقمته من حنك السباع والضباع
وأنا كتبت وصيتي على الموبايل القديم
إلي تشرخ في الزحام من شوما خرسة لبلطجي أو من قدوم بتلفوا جسمي بالعلم وبتبكوا ليه والدموع بتبلني
وانا بقطع الكفن والعب بكورتي مع العيال