والله مو هين عذابك
ودي أهدي لك عيوني
حتى في ساعة غيابك
أسال شلونك بدوني
آه يا حضرة جنابك
كم جفى نومي جفوني
والسهر لو دق بابك
خل عيونك يسهروني
تنتظر قاعي سحابك
العطش ذبل غصوني
كل شي فيني حيا بك
ليش تحرمني مزوني

أنا عايش لك وأهابك
خايف أحلامي خذوني
حبك إحساسي ورضا بك
طابت جروحي وطعوني
العمر لو يوم جابك
ما يهم اللي جفوني
وإن تبع قلبي سرابك
دوروني ! وما لقوني
لو تمنو لي ذهابك
عمرهم ما ينفعوني
همهم أبكي غيابك
كنهم ما عذبوني