يا مرهبه كل البشر – الشيلات

يا مرهبه كل البشر في حضورك
وشلون لو شافو معاني جواهرك
الله خلق لمعانق الزين نورك
والله خلق ريح النفل من مشاعرك

الزين من زينك ينادي غرورك
وكل يبي قربك ووده يجاورك
أخت الستر والمزن يشرب مرورك
لين المحاني ترتوي حلو ماطرك

زولك آمل ومشاهدك في سرورك
يذكي الماضي لاجل عين حاضرك
واليا زعلتي اقول ما راح دورك
كن الزعل يضحك فرح في محاجرك

خزنة ظفر في كل معنى وشورك
كن الفرج ينساق للي يشاورك
وشعور من يغليك دايم شعورك
وقصايده دايم تراها لخاطرك

يامرهبه كل البشر في حضورك
وشلون لو شافوا معاني جواهرك